BMTning Ta'lim, fan va madaniyat sohasidagi tashkiloti

 

 

 

 

I. YuNESKOning missiyasi

 

YuNESKO, BMTning Ta'lim, fan va madaniyat sohasidagi tashkilotiga, 1945 yilning 16 noyabr kunida asos solingan. YuNESKO dunyoda tinchlikni o`rnatish, qashshoqlikni yo`q qilish, barqaror rivojlanishni ta'minlash, ta'lim orqali madaniyatlararo muloqot tuzish, fan sohalarini rivojlantirish, xalqaro madaniy va ma'lumot almashinuviga yordamlashish kabi sohalarda faoliyat yuritadi. 

 

YuNESKOning O`zbekistondagi faoliyati uning Toshkent shahridagi vakolatxonasi, Bosh idorasi, Bangkok, Jakarta va Olmotadagi mintaqaviy vakolatxonalari hamda O`zbekistondagi milliy YuNESKO Komissiyasi tomonidan rejalashtiriladi va boshqariladi. 

 

II. Asosiy faoliyat yo`nalishlari 

 

YuNESKO ta'lim, ijtimoiy va gumanitar fanlar, madaniyat, axborot va ma'lumot texnologiyalari sohalarida o`z faoliyatini yuritadi. 

 

Ta'lim

 

YuNESKOning O`zbekistondagi vakolatxonasi mamlakat hukumatini ta'lim sohasining sifatini oshirish, mazkur sohada tegishli andozalar, standartlarni joriy etish, turli innovasion loyihalarni amalga oshirish, mutasaddi tashkilotlarning salohiyatini oshirish borasida qo`llab-quvvatlaydi.

 

Fan

 

YuNESKOning O`zbekistondagi vakolatxonasi fan bo`yicha alohida dasturi doirasida er va suv resurslaridan tejamkorona, oqilona foydalanish imkonini beruvchi texnologiyalar, bilim va ko`nikmalarni hayotga tadbiq etishga intiladi; shuningdek biologik xilma-xillikni asrash va yangilanuvchi muqobil energiya manbalarini joriy etish, turli sohalarda, xususan erlarning tanazzulga uchrashi va iqlim o`zgarishi bilan bog`liq masalalar yuzasidan tadqiqotlarni amalga oshirishda O`zbekistonga o`z yordamini berib kelmoqda. 

 

Madaniyat 

 

YuNESKOning madaniyat sohasidagi maqsadlari mamlakatning boyligi bo`lmish madaniy-tarixiy merosini keyingi avlodlar uchun asrab qolish, qolaversa mazkur boyliklar mamlakatning barqaror taraqqiy etishi, aholi daromadining doimiy ravishda oshishi, ayniqsa xotin-qizlar va yoshlar uchun cheksiz imkoniyatlarni ochib berishi mumkinligini ko`rsatib berishdan iboratdir. Shu maqsadda YuNESKOning Toshkent shahridagi vakolatxonasi Jahon merosi ro`yxatiga kiritilgan obidalarni muhofaza etishda, mamlakatning moddiy va nomoddiy boyliklarini asrash, avloddan avlodga o`tish hamda madaniy turizmni rivojlantirishga qaratilgan bir qator tashabbus va loyihalarini amalga oshirib kelmoqda. 

 

Axborot va ma'lumot almashinuvi 

 

O`zining milliy hamkorlari bilan birgalikda YuNESKO barcha insonlar ma'lumotni izlash, undan foydalanish imkoniyatiga ega bo`lishini ta'minlashga, rivojlanish, demokratiya hamda jamoatchilik orasidagi muloqotni o`rnatishga qaratilgan tashabbuslarini amalga oshiradi. 

 

III. Tashkilot bilan qanday bog`lanish mumkin? 

 

O`zbekiston Respublikasi Toshkent shahri, Ergashev ko`chasi 9, 100084

 

Tel.: +998 (71) 120-71-16/54/55; Faks: +998 (71) 120-71-59 

 

 E-mail: tashkent@unesco.org; Website: www.unesco.org/tashkent

 

Jan Hladik, YuNESKOning O`zbekistondagi vakili